Қазақстан мен Жапония қатынасы екіжақты әріптестікпен шектелген емес.
Күншығыс елі мен Қазақстан тарапы Орталық Азия үшін «С5+1» форматын 2004 жылы
ұсынған. Ал қазір мұндай форматта он бір кездесу орын алды. «Орталық Азия қосу
Жапония» кездесуі мемлекет басшылары деңгейінде өтуі – тарихи оқиға дейді
саясаттанушылар. Мұндай саммиттер өңірдің экономикалық және өнеркәсіптік
байланысын нығайтып, жаңа сауда-саттық бағыттарын ашады. Туризм мен мәдени
алмасу бағыттарында да оң өзгерістерге жол ашылады.
Асыл Төлеубеков, MNU қауымдастырылған профессоры:
- Қазақстан, жалпы Орталық Азия әлем елдері үшін экономикалық тұрғыдан өте
тартымды өңірге айналды. Неліктен? Себебі бүгінде біздің өте ықпалды көршіміз
Қытай континентальды сауда жолдарын дамытып, Қиыр Шығыс, Қытай, Жапония, Корея,
Оңтүстік-Шығыс Азияны Еуропамен және одан әрідегі америкалық нарықпен
байланыстырды. Біздің еліміз көптеген халықаралық қатынастарда шешуші геосаяси
рөл атқарады.
1. Жасанды интеллектті қолданасыз ба?
Сондай-ақ
