Мемлекет басшысы V Дүниежүзілік көшпенділер
ойындарына дайындық жөнінде кеңес өткізді. Жиында Ұлттық құраманың, спорт кешендердің,
қонақ үйлер мен мәдениет орындарының дайындық барысы, сондай-ақ қауіпсіздік
мәселелері пысықталды. Қасым-Жомарт Тоқаев Көшпенділер ойындары
ұлттық спорт түрлері бойынша өткізілетін әлемдегі ең ірі жарыс екенін атап
өтіп, оны жоғары деңгейде ұйымдастыру, халқымыздың терең тарихы мен мәдениетін,
қонақжайлылығын көрсету, меймандар мен спортшыларға қажетті жағдай жасау
маңызды екеніне назар аударды.
