Атырау облысында қуаты 1 миллион тоннадан асатын
полиэтилен өндіру зауыты салынады. Бұл
туралы «ҚазМұнайГаздың» биылғы бірінші тоқсанда атқарған жұмыстарының
есебінде айтылған. Басқарма төрағасының міндетін атқарушы Асхат Хасенов, Президентке
компанияның 2023 жылы іске қосылған газ-кен орындары,
сондай-ақ қорларды толтыру және мұнай өндіру деңгейін сақтау мақсатында
жүргізіліп жатқан геологиялық барлау жұмыстары туралы баяндады.
Атап айтқанда, «ҚазМұнайГаз»
Қызылорда облысындағы Торғай палеозой учаскесінде тереңдігі 5 500 метр ұңғыма
және Каспий теңізіндегі Абай учаскесінде бұрғылау жұмыстарын жүргізуді
көздейді. Ірі инвестициялық жобалардың
қатарында Жаңаөзенде гибридті электр станциясының
құрылысы бар. Кездесу соңында Қасым-Жомарт Тоқаев геологиялық барлау, мұнай-газ
химиясы салаларындағы жобаларға ірі инвесторларды тарту жөнінде бірқатар
тапсырма берді.
Веб-редактор: Әсел Бақытқызы
Сондай-ақ
