Парламенттік реформа – саяси өзгерістердің жалғасы

Парламенттік реформа – бірнеше жыл бұрын Қазақстан Президенті Қасым-Жомарт Тоқаев бастамасымен іске қосылған ауқымды саяси жаңғыруға бағытталған қадамдардың бірі. Оның негізінде «Күшті Президент – Ықпалды Парламент – Есеп беретін Үкімет» концепциясы жатыр. Парламенттік реформа бойынша жұмыс тобы мүшелерінің айтуынша, бүкіл үкіметтік билік тармағын түрлендіру заң шыңғарушы органға азаматтардың қызығушылығы мен қалауын жан-жақты жеткізуге мүмкіндік береді. Ал кең талқы – сапалы құжат дайындауға кепіл болмақ.

Елнұр Бейсенбаев, ҚР Парламенті Мәсіжілісінің депутаты:

– Мемлекет басшысы 2019 жылдан бері ірі саяси реформалардың бірнеше пакетін ұсынып келе жатыр. Олардың ең негізгісі 2022-ші жылы Президенттің Өкілеттілігі бойынша біраз реформалар жасалған. Қазіргі Парламенттік реформа соның жүйелі жалғасы. Осы бір жыл көлемінде ірі талқылаулар өтетін болады. Талқылауларды ашық өткізуге, сондай-ақ барлық талқылауларда халықтың үнін естуге барлық күшімізді салатын боламыз.

Айдос Сарым, ҚР Парламенті Мәжілісінің депутаты:

- Біз жыл бойы атқаратын шараларға қатысты жұмыс тобының ішінде өз регламенттерімізді айқындап, ұсыныстарды жинау тәртібін әзірлеп қойдық. Бүгіннен бастап бұл маңызды іске Егов, Е-өтініш сияқты үлкен қоғамдық механизмдер қосылды. Онда азаматтар өз ұсыныстарын бере алады. Осыған орай біз жұмысымызды мейлінше көбірек талқылау жүргізіп, сапалы құжат жасайтындай етіп ұйымдастыруымыз керек.

Веб-редактор: Айнұр Досан