Нұрғиса Тілендиевтің 100 жылдығына арналған іс-шаралар
биыл ЮНЕСКО шеңберінде аталып өтіледі. Қазақ композиторының ғасырлық мерейтойы
халықаралық ұйымның атаулы күндер күнтізбесіне енді. Мұндай шешім ЮНЕСКО-ның бас
конференциясының 42-сессиясында қабылданды. Осы күзде ұйымның Париждегі штаб-пәтерінде
қазақтың әйгілі күйші-композитор әрі дирижердің мол музыкалық мұрасы ұсынылатын
концерт өтеді. Айта кетейік, өнер иесі Нұрғиса Тілендиев түрлі жанрда 500-ден
астам шығарма жазған.
Асқар Әбдірахманов, Қазақстанның ЮНЕСКО-дағы тұрақты өкілі:
- «Алматы қаласының әкімдігі, сонымен қатар Түркі
мәдениеті мен мұрасы халықаралық қорының қолдауымен Нұрғиса Тілендиевтің
шығармашылығына арналған көрме ұйымдастыру жоспарда бар. Іс-шара ЮНЕСКО аудиториясы мен
отандастарымызды талантты дарын иесінің өмір жолымен таныстырып қана қоймай,
өзі негізін қалап кеткен дәстүрлі әуен, халық фольклоры және заманауи музыка
арасындағы тығыз байланысты көрсетуге ықпал етеді.
1. Жасанды интеллектті қолданасыз ба?
Сондай-ақ
