Мемлекет басшысы Астанаға
ресми сапармен келген Түрікменстанның Сыртқы істер министрі Рашид Мередовті
қабылдады. Қасым-Жомарт Тоқаев екі ел қатынастарының қазіргі жай-күйіне оң
баға берді. Ресми Ашхабад Астанамен
арадағы екіжақты ынтымақтастықты одан әрі кеңейтуге бейілді. Осыған орай тараптар сауда-экономика,
энергетика және көлік-логистика салаларындағы ірі жобалардың жүзеге асырылу
барысын талқылады. Бұдан
бөлек, жылдан-жылға тың мазмұнмен байып келе жатқан мәдени-гуманитарлық
саладағы ықпалдастыққа баса мән берілді.
Қасым-Жомарт Тоқаев,
Қазақстан Республикасының Президенті:
-Біз Түрікменстанды сенімді стратегиялық серіктес және
тарихи тұрғыдан туыс мемлекет ретінде қарастырамыз. Шын мәнінде, соңғы жылдары
елдеріміз арасындағы ынтымақтастық қарыштап дамып, соның ішінде экономиканың
стратегиялық салалары тың қарқын алды. Мәдени-гуманитарлық саладағы байланыс та
дамыды. Бұған дейін көп жұмыс
атқарылды. Әлі де атқарылатын жұмыс аз емес.
Веб-редактор: Әсел Бақытқызы
Сондай-ақ
