Құрылымдық реформалар жасау мен еліміздің салық-бюджет
саясаты жолға қойылып, қаржы нарығы дамып келеді. Осы бағыттарда Қазақстан мен
Халықаралық валюта қоры 30 жыл бойы бірлесе жұмыс істеп, жақсы нәтиже көрсетіп
келеді. Бұл – әріптестіктің екеуара тиімді екенінің көрінісі. Бүгін Астанада
үкімет басшысы мен Халықаралық валюта қоры басқарушы директоры орынбасарының
кездесуі өтті. Олжас Бектенов пен Бо Ли қаржы-экономикалық салалардағы
әріптестік жайын талқылады. Сонымен қатар, Халықаралық валюта қоры климаттық
өзгерістерге қарсы күресу мақсатында елімізге көмектесуге әзір. Бо Лидің
айтуынша, тұрақты даму бағытында Қазақстан бірқатар ауыз толтырып айтарлықтай
жетістіктерге жетті. Атап айтсақ, еліміз 2060 жылға қарай көміртек
бейтараптығына жетуді жоспарлап отыр. Бұл туралы мәртебелі мейман экологиялық
акция барысында айтты. Онда тараптар Астанадағы саябақтардың бірінде ағаш
отырғызды.
Бо Ли, ХВҚ басқарушы директорының орынбасары:
- Бұл ағаш отырғызу экологиялық акциясы текке
өткізіліп жатқан жоқ. Ол Халықаралық валюта қорының елдеріңізде жасалынып
жатқан «Жасыл өзгерістерге» қолдау көрсетуінің нышаны деп білеміз. Қазақстан
климаттық өзгерістермен сәтті күресіп, оларға бейімделіп, экологиялық таза
болашаққа қол жеткізуі үшін біз көмектескіміз келеді. Біріккен ұлттар ұйымының COP
29 саммиті осы аумақтағы мемлекеттердің бірінде өтеді. Біз өңірдегі
мемлекеттермен, әсіресе, Қазақстанмен бірлесе жұмыс істеуден дәмеліміз. Себебі,
бұл істің өзі де үлкен макроэкономикалық саясатты, оның ішінде фискалды және
қаржылық саясатты талап етеді.
Веб-редактор: Нұрбек Балгүл Қайрошқызы
Сондай-ақ
