Мемлекет басшысы Ресей Сыртқы істер министрі Сергей Лавровты қабылдады

Қазақстан Президенті Ресей Сыртқы істер министрін қабылдады. Сергей Лавров елімізге ШЫҰ Сыртқы істер министрлерінің отырысына қатысу үшін келді. Кездесу барысында Қасым-Жомарт Тоқаев қазақ-ресей қарым-қатынастарының стратегиялық әріптестік пен одақтастық негізінде дамып келе жатқанын айтты. Сауда-экономикалық және инвестициялық- өнеркәсіптік, ынтымақтастық мәселелеріне көп көңіл бөлінді. Қасым-Жомарт Тоқаев жоғары деңгейде қол жеткізілген уағдаластықтарды жүзеге асырудың маңыздылығын атап өтті. Мемлекет басшысының пікірінше, барлық келісімдердің стратегиялық маңызы жоғары, әрі екі ел арасындағы жан-жақты байланыстарды нығайтуға бағытталған. Тараптар, өңірлік және халықаралық күн тәртібіндегі мәселелер, көпжақты формат пен интеграциялық бірлестіктердегі іс-қимылды талқылады.

Веб-редактор: Maya