Қазақстанда көлік тасымалы секторында бірінші жартыжылдықтың өзінде 23% -ға
жуық өсім байқалды. Статистикаға сүйенсек, саланың барлық бағыттары бойынша
және елдің барлық өңірлерінде тұрақты өсу көрсетілген. Автомобиль көлігі, құбыр
және теміржол салалары да өз үлестерін қосты. Бұл ретте жолаушыларды тасымалдау
көлемі 928 миллион адамға жетті, ал жүк тасымалы 550 миллион тоннадан асты.
Соңғы бес жылда транзиттің жалпы көлемі 50% -ға, ал Транскаспий бағыты бойынша
алты есеге өсті. Тек өткен жылы ғана Қытайдан Еуропаға жеткізілім көлемі 62%
-ға артып, жүк көлемі 4,5 миллион тоннаға жетті. Қазір Президенттің тапсырмасы
бойынша Қытаймен шекарада жүк өткізу жұмыстарын жақсарту бойынша ауқымды жұмыс
жүргізілуде.
Олжас Бектенов, ҚР Премьер-Министрі:
- Биыл біз Достық-Мойынты теміржол тармағының екінші тармағын,
Алматы маңындағы айналма жолы жұмыстарын тәмамдаймыз. Келесі жылы Дарбаза-Мақтаралды
одан әрі дамытатын боламыз. Мойынты-Қызылжар, Бақты-Аягөз - осының бәрі бізге болащақта
жүк өткізу қабілетін 10 миллион тоннаға дейін арттыруға мүмкіндік береді. Бұл
өте ауқымды жұмыс, ол үлкен инвестицияларды талап етеді, бірақ біз оған мүмкіндік
береміз, себебі, бәсекелестік артықшылығымызды жіберіп алмауымыз керек екенін
түсінеміз.
Цифрландыруға ерекше назар аударылды. TEZ Customs платформасында Цифрлық
сауда дәлізін енгізу транзиттік декларацияларды рәсімдеу уақытын үш сағаттан 30
минутқа дейін қысқартуға мүмкіндік берді, бұл жүктердің өту жылдамдығы мен
тиімділігін арттыра түсті. Порт инфрақұрылымы да дамып келеді. Биылғы жылдың
маусым айында Ақтау портында Транскаспий бағытының негізгі буыны - контейнерлік
хаб өз жұмысын бастады.
1. Жасанды интеллектті қолданасыз ба?
Сондай-ақ
