Қазақстанда энергетика саласына 17 трлн теңге салуға ниетті. Республикада 60 инвестициялық жобадан тұратын пул жасақталды, – деп хабарлайды салалық ведомство. Жоба жаңа энергоқуаттарды енгізуге бағытталған. Олардың ішінде газ өңдеу зауыттарын салу жобалары, мұнай өңдеу зауыттарын атап айтқанда, Шымкент мұнай өңдеу зауытын – 12 млн тоннаға дейін, Павлодарда – 8 млн тоннаға дейін кеңейту қарастырылған.
Сонымен қатар, жаңартылатын энергия көздері, мұнай-газ химиясын дамыту саласындағы жобалар да назардан тыс қалмады. Олардың барлығы энергетикалық қауіпсіздік деңгейін арттыруға, энергетикалық нысандарда инновациялық технологияларды енгізуге, қоршаған ортаға теріс әсерді азайтуға мүмкіндік береді.
