Қазақстан Президенті Жоғарғы сот төрағасын қабылдады

Мемлекет басшысының тапсырмасына сәйкес, Қазақстанда 1 шілдеден бастап дербес кассациялық сот жұмыс істей бастады. Алғашқы айдың өзінде аталған мекемеге 5 мыңға жуық арыз-шағым түскен. Қазақстан Президентіне бұл жөнінде Жоғарғы сот төрағасы баяндады. Асламбек Мерғалиевтің айтуынша, азаматтық істер бойынша дауларды бітімге келу арқылы шешу 24% өскен. Кездесу соңында Қасым-Жомарт Тоқаев сот жүйесіне сенімді нығайту және сот төрелігінің сапасын арттыру жұмыстарын жалғастырудың маңызды екенін атап өтті.

Веб-редактор: Нұрбек Балгүл Қайрошқызы