Қазақстан Президенті Конституциялық комиссия төрағасы – Конституциялық сот
төрағасы Эльвира Әзімованы қабылдады. Сондай-ақ, жиынға Конституциялық комиссия
төрағасының орынбасары – Мемлекеттік кеңесші Ерлан Қарин және Конституциялық
комиссия мүшесі – Президенттің құқықтық мәселелер жөніндегі көмекшісі Ержан
Жиенбаев қатысты. Қасым-Жомарт Тоқаевқа медиа кеңістікте тікелей көрсетіліп
жатқан отырыстардың нәтижесі туралы мәлімет берілді. Соңғы 6 айда
Конституциялық реформалар қоғамдық талқылауда болды. Электронды платформаға
азаматтардан, ғалымдардан, сарапшылардан, заңгерлерден, саяси партиялардан,
үкіметтік емес ұйымдардан, кәсіптік және бизнес қауымдастықтардан 2 мыңнан аса
ұсыныс келіп түскен. Комиссия мүшелері Конституция преамбуласының түбегейлі
жаңа редакциясын, бірқатар баптарды және бөлімдерді әзірлеп, қарастырды. Мемлекет
басшысы алдағы Конституциялық реформа еліміздің дамуына тың серпін беретінін
атап өтті.
1. Жасанды интеллектті қолданасыз ба?
Сондай-ақ
