Мемлекет басшысы Бакуде өткен БҰҰ Климаттың өзгеруі туралы негіздемелік конвенциясына қосылушы тараптардың конференциясы аясында Грекия Премьер-министрімен кездесу өткізді. Тараптар сауда-экономикалық, инвестициялық және мәдени-гуманитарлық байланыстарды нығайту, сондай-ақ өзара алыс-берісті әртараптандырудың маңыздылығына тоқталды. Қасым-Жомарт Тоқаев Афины еліміздің Еуропа Одағына мүше мемлекеттер арасындағы ТОП 5 сауда әріптесінің бірі екенін атап өтті.
Ал Солтүстік Македония Республикасының Президенті Қасым-Жомарт Тоқаевқа екіжақты байланысты нығайтуға қосқан үлесі үшін алғыс айтты. Гордана Силяновска-Давкова Қазақстанның Орта держава ретінде халықаралық аренадағы рөліне жоғары баға берді. Тараптар сауда-экономика және инвестиция салаларындағы ынтымақтастық аясын кеңейту перспективасына, екі ел азаматтары үшін виза режимін оңтайландыру мәселесіне айрықша мән берді. Екі елдің іскерлік топтары арасында қарым-қатынасты дамыту жөнінде уағдаластыққа қол жеткізілді.
Қазақстан Президенті Хорватия премьер-министрімен энергетика секторындағы бірлескен инвестициялық жобаларды жүзеге асыруға баса назар аударды. Қасым-Жомарт Тоқаев елімізде бизнес жүргізетін хорват компанияларына қолдау білдіріп, Андрей Пленковичті келесі жылы өтетін Астана халықаралық форумына қатысуға шақырды. Өз кезегінде Хорватия Премьер-Министрі Қазақстан Президентіне елге сапармен келуге ұсыныс білдірді.
Әсел Күшенғалиева
1. Жасанды интеллектті қолданасыз ба?
Сондай-ақ
