Қазақстан Президенті ҚХР Төрағасының шақыруымен Қытайға барады

Қасым-Жомарт Тоқаев Төраға Си Цзиньпиннің шақыруымен Қытай Халық Республикасына барады. Сапар аясында өтетін жоғары деңгейдегі келіссөздер барысында қазақ-қытай стратегиялық серіктестігін нығайту әлеуеті талқыланады. 31 тамыз - 1 қыркүйек күндері Қазақстан Президенті Тяньцзинь қаласында өтетін Шанхай ынтымақтастық ұйымының саммитіне және «ШЫҰ плюс» жиынына қатысады. Келесі күні Мемлекет басшысы Бейжіңде Қазақстан – ҚХР Іскерлік кеңесінде сөз сөйлеп, аспан асты елінің ірі компания жетекшілерімен бірқатар кездесу өткізеді. Ал, 3 қыркүйек күні Қасым-Жомарт Тоқаев Екінші дүниежүзілік соғыстағы Жеңістің 80 жылдығына арналған салтанатты іс-шараға мәртебелі мейман ретінде қатысады.

Веб-редактор: Айнұр Досан