Қазақстан Президенті Еуразиялық экономикалық комиссия алқасының төрағасын қабылдады

Қасым-Жомарт Тоқаев Еуразиялық экономикалық комиссия алқасының төрағасы Бақытжан Сағынтаевты қабылдады. Кездесуде ЕАЭО қазіргі жай-күйі мен одан әрі даму әлеуеті талқыланды. Әңгімелесу кезінде Қазақстанның 2026 жылы аталған Ұйымға төрағалығы аясында атқаратын жұмыстарының басымдықтарына ерекше назар аударылды. Сондай-ақ, Мемлекет басшысына биыл 21 желтоқсанда Санкт-Петербург қаласында өтетін Жоғары Еуразиялық экономикалық кеңес отырысына дайындық барысы туралы ақпарат берілді.

Веб-редактор: Нұрбек Балгүл Қайрошқызы