Астананың жалпыұлттық пулы аясында 1,9 триллион теңгеге 120 жоба жүзеге асырылады. Бұл жөнінде Қазақстан Президентіне елорданың өндірістік және әлеуметтік нысандарын аралау кезінде мәлімделді. Қасым-Жомарт Тоқаев Tausogar зауытында елдегі ірі құрылыс компанияларына қажетті лифт, мұнара крандары мен эскалаторлар өндірісімен танысты. Кейін Мемлекет басшысы өңдеу өнеркәсібі кәсіпорындарының көрмесін аралап көрді. Мұнда Президент №1 Индустриалдық паркінде орналасқан бірқатар кәсіпорынның қызметімен танысты. Қасым-Жомарт Тоқаевқа гипсокартон панелдері, өрт дабылдары сынды отандық өндірістің өнімдері көрсетілді. Сондай-ақ Президентке №2 Индустриалдық паркінің даму әлеуеті жайында баяндалды. Аталған алаңда жалпы құны 500 млрд теңгеден асатын 100-ден астам жобаны іске қосу жоспарланып отыр. Мемлекет басшысы шынжыр табанды және дөңгелекті бронды машиналар шығаратын, сондай-ақ оларға техникалық қызмет көрсететін Besqaru зауытына барды. Қасым-Жомарт Тоқаев цехтарды аралап, өндіріс ошағының технологиялық мүмкіндіктерімен танысты. Компания жылына 200 бронды техника құрастырады. Олардың қатарында суды кешіп өте алатын Taimas, Aibar, сондай-ақ Tulpar шынжыр табанды техникасы бар. Зауыт өз өнімін Қорғаныс министрлігі мен басқа да күштік құрылымдарға арнап шығарады. Өндіріс алаңы биыл ақпан айында іске қосылды. Жоба құны 13,5 млрд теңгені құрады.
1. Жасанды интеллектті қолданасыз ба?
Сондай-ақ
