Қазақстан мен Қытай арасындағы теміржол тасымалы 12%-ке өсті

Биылғы жылдың алғашқы 5 айында Қазақстан мен Қытай арасындағы теміржол көлігімен жүк тасымалдау көлемі шамамен 13 млн тоннаны құрады. Бұл өткен жылдың сәйкес кезеңімен салыстырғанда 12% артық. Бұл ретте қазақстандық экспорт 8 млн тоннаға дейін өсті. Еліміздің магистральдық темір жол желісінің ірі операторының мәліметінше, «Алтынкөл-Қорғас» станциялары арасында жүк тасымалдау 7%-ке еселеніп, 5 млн 300 мың тоннаға жетті. Ал «Достық» станциясы арқылы аспан асты еліне және кері бағытқа 7,5 млн тонна, 17% жіберілді. Айта кетейік, Қазақстан Қытайдан Еуропаға жүк транзитін 5 есеге арттыруға ниетті.

Веб-редактор: Нұрбек Балгүл Қайрошқызы