Мемлекет
те, журналист те ұлт үшін қызмет етеді, ел тағдырын шешуге атсалысады. Бұл туралы Президент Қасым-Жомарт Тоқаев бұқаралық
ақпарат құралдары саласының қызметкерлерін марапаттау рәсімінде айтты.
Қасым-Жомарт Тоқаев, ҚР Президенті:
- Ең алдымен, баршаңызды Бұқаралық ақпарат құралдарының
қызметкерлері күнімен шын жүректен құттықтаймын! Журналист – мәртебелі
мамандық. Ол – ақиқат сөздің, өткір ой мен шынайы пікірдің және әділ істің
жақтаушысы. Сондықтан, біз медиа саласының мамандарына әрдайым зор құрметпен
қараймыз. Біздің мақсат-мұратымыз – ортақ. Бұл – баршаға тең мүмкіндіктер
беретін Әділетті Қазақстанды құру. Мен бүгін медиа саласы мамандарының осы
жолдағы қажырлы еңбектері үшін шынайы ризашылығымды білдіремін. Әлихан Бөкейхан
«Газет-журнал шығаруға зор шеберлік керек» деп талап қойған. Бұл – бүкіл
ақпарат саласына ортақ тұжырым. Жалпы, журналистер мемлекеттік саясатты халыққа
түсіндіру ісінде айрықша рөл атқарады.
Мемлекет басшысы өз сөзінде журналистер тың бастамаларды жұртшылыққа
жан-жақты түсіндіруге зор үлес қосып келетінін де тілге тиек етті. Ұлт пен
ұлттық идеялардың жаңа сапасын қалыптастыру бұқаралық ақпарат құралдарына
тікелей байланысты және олар мемлекеттік саясатты түсіндіруде ерекше рөл
атқарады, - деп атап өтті Президент. Ақпарат сақшылары билік пен халық
арасындағы көпір іспеттес. Олар парламентаризмнің дамуына және әлеуметтік зұлымдықтың
тамырына балта шабуға елеулі үлес қосуда, деді Қасым-Жомарт Тоқаев. Ал
бұқаралық ақпарат құралдары туралы қабылданған заң, мемлекет басшысының
пікірінше, журналистерге бұдан да көп мүмкіндік береді.
Қасым-Жомарт Тоқаев, ҚР Президенті:
- Өздеріңізге мәлім, жуырда мен «Масс-медиа туралы» заңға
қол қойдым. Өте маңызды құжат. Журналистердің мүддесі мен құқықтарын қорғау
тетіктері күшейтілген деп айтуға болады. Бұл құжат еліміздегі масс-медианың
әлеуетін арттыра түседі деп ойлаймын. Сондай-ақ, ақпараттық дербестігімізді
нығайтуға мүмкіндік береді.
Журналистердің алдында кең ауқымды міндеттер тұр. Отандық медиа қоғамда
жоғары экологиялық сана мен табиғатқа деген ұқыпты көзқарас мәдениетін
қалыптастыруға көмектесе алады. Тағы бір маңызды миссия – азаматтарды
экономиканың дамуы туралы жан-жақты және кеңінен хабардар ету. Президент
журналистика – жай ғана мамандық емес, жүрек қалауы екендігіне назар аударды.
Қасым-Жомарт Тоқаев, ҚР Президенті:
- Ақпарат құралдары – халықтың үні, ұлттың жаршысы,
бұқараның рухани тірегі. Сондықтан, журналистердің кәсіби тұрғыдан мықты болуы
өте маңызды, бұл, тіпті, шешуші дүние. Журналистеріміздің көбі – жоғары
деңгейдегі мамандар, олар елге адал, отаншыл азаматтар. Бұл мәселе бойынша
ешқандай күмән жоқ. Осы миссияны сіздер абыроймен атқарып келесіздер.
Қасым-Жомарт Тоқаев отандық журналистиканың дамуына
елеулі үлес қосқан сала өкілдерін мемлекеттік наградалар, сыйақылар, гранттар
және алғыс хаттармен марапаттады.
Веб-редактор: Нұрбек Балгүл Қайрошқызы
Сондай-ақ
