Ашық ақпараттық кеңістік және мықты медиа билік құру. Қасым-Жомарт Тоқаев бұл мақсаттарды орындауға ерекше көңіл бөлуге уәде берді. Елбасы БАҚ туралы заңды қайта қарау қажеттігін мәлімдеді. Оның үстіне бұл ел мүддесін, қоғамның сұранысын және медиа саланың даму тенденциясын ескере отырып жасалуы керек. Мемлекет басшысының айтуынша, тәуелсіз әрі жауапты бұқаралық ақпарат құралдарынсыз демократиялық қайта құру мүмкін емес.
Қасым-Жомарт Тоқаев, Қазақстан Республикасының Президенті:
- Отандық БАҚ-тың ел өңірлерінде және әлемде болып жатқан үдерістер туралы өз көзқарасы болуы тиіс. Еліміздің ақпараттық қауіпсіздігі, тіпті идеологиялық дербестігі осыған тікелей байланысты. Мемлекет ашық ақпарат кеңістігін қалыптастыруға ерекше көңіл бөледі. БАҚ өзекті мәселелерді көтере алады және көтеруі керек, бірақ мұны үлкен азаматтық жауапкершілікпен жасау керек. Сырттан тапсырыс бойынша емес, көлеңкелі төлемақы үшін немесе саяси топтар үшін жұмыс істемеуі керек. БАҚ өкілдері өз елі мен оның азаматтары үшін шын жүректен алаңдауы керек.
Веб-редактор: Admin
Сондай-ақ
