Қозоғистон
Миллий музейи қимматли артефакт билан бойиди. Мажилис депутатлари қозоқ
ботирига тегишли бўлган қилич тақдим этишди. Жанговар қурол 19-асрга оид. Ноёб
тарихий буюмни Россия ҳудудидан топиб, келтиришди. Сўнгра мутахассислар қилични
синчиклаб ўрганишди, унинг қозоқ ботирига тегишли бўлганини аниқлашди. Қуролнинг
юзасига иккита, «Сўзоқ - 1845 йил» ва «Жанқўжа Нурмахамедулига биздан совға» деган
битиклар ўйиб ёзилган.
Ардақ Назаров, Қозоғистон Республикаси Парламенти Мажилиси депутати:
- Олимларнинг фикрича, 1845 йилда
ботирларимиз хон Кенесари раҳбарлигида Сўзоқ шаҳрини Қўқон давлатидан қайтариб
олишган. Шунда Кенесари хон мана шу қилични Жанқўжага совға қилган. Бу воқеалар
тарихий китобларда ҳам ёзиб қолдирилган. Жанқўжа Нурмахамедули 1774 йилда
туғилган ва 1860 йилда ҳалок бўлган. 17 ёшидан у мамлакатни ҳимоя қилган. 86 ёшида,
жангда жон берган.
Айдарбек Қўжаназаров, Қозоғистон
Республикаси Парламенти Мажилиси депутати:
- Бу паҳлавон Хива хонлигига, Қўқон хонлигига қарши бир қанча юришларда саркардалик қилган. Ўзим Сирдарёдан бўлганим учун, ўлка тарихини биламан. Жанқўжа ботир унинг ҳудудидаги бир қанча йирик жангларда қатнашганидан хабардорман. Масалан, у Жанақўрғанни Қўқон хонлиги ҳукмидан озод қилган экан.
Абдумалик Сарманов таржимаси
Ўхшаш янгиликлар
