Президент Телерадиомажмуасининг 30 йиллигига бағишланган "Солномадан келажакка"
республика кинолекторийси мамлакат бўйлаб саёҳатини давом эттирмоқда. Бу сафар у Ўскемен шаҳрида ўтказилди. Томошабинларга
Қозоғистон халқи, тарихи ва замонавий ҳаёти ҳақида энг сара ҳужжатли фильмлар
тақдим этилди. "Кулали оролидаги одам" асари катта қизиқиш уйғотди. У Каспий
денгизидаги кичик оролда 30 йилдан буён
яшаётган ва ишлаётган гидрометеостанция бошлиғи Пётр Лупенков
ҳақида ҳикоя қилади. Фильм томошасидан сўнг Шарқий Қозоғистон техника университети Президент Телерадиомажмуаси Ҳужжатли фильмлар
маркази билан ҳамкорликни йўлга қўйиш ташаббуси билан чиқди. Университетда
талабалар учун бундай фильмларни мунтазам намойиш қилишмоқчи. Биринчи бўлиб
масъулият ва касбга садоқат ҳақидаги ҳикоя қилувчи "Кулали оролидаги одам" фильмини тақдим этиш мўлжалланган.
Сауле Рахметуллина, Техник университет ректори:
- Биз ўзаро таъсир юз беришини хоҳлаймиз. Талабалар бу ҳақиқий
одам эканлигини кўрсин, унинг эҳтиросини
англасин, бунга қандай келганини тушунсин. Бу аслида жуда
муҳим масала.
Эльдар Тўлеубеков, Ўскемен шаҳридан:
- Бугунги кунда ёшлар муваффақиятни, аввало, моддий фаровонлик билан боғлайди. Буни тушуниш мумкин. Аммо ўз касбини топган, ўнлаб йилларни ҳалол ва фидокорона меҳнатга бағишлаганлар ҳақиқий қаҳрамон эканини кўрсатиш ҳам муҳим. Айнан шу инсонлар замонамизнинг қаҳрамонлари, уларга тенглашиш керак, улар янги авлодларни илҳомлантиради.
Абдумалик Сарманов таржимаси.
Ўхшаш янгиликлар
