Тошкентда «Атроф-муҳитни муҳофаза қилиш ва яшил иқтисод йили»га бағишланган Eco
Expo Central Asia халқаро
кўргазмаси ўтказилди. Тадбирда 30 тадан зиёд давлатдан
келган экспертлар, компаниялар, давлат ва
халқаро ташкилотлар вакиллари қатнашди. Анжуман «яшил» трансформация, иқлим барқарорлиги, захираларни тежаш
йўналишларини муҳокама қилиш,
шунингдек, тажриба ва
илғор экологик амалиётлар алмашиш борасида
муҳим майдончага айланди. Шу жумладан, Оролбўйини барқарор
ривожлантириш, «яшил» қурилиши ва ёшларни минтақа экологияси муаммоларига
эалб этиш масалалари кўрилди.
Қатнашчилар «яшил» энергетика,сув захираларини ва чиқиндиларни қайта ишлашни
бошқариш бобидаги инновациялар, сунъий идрокка, илғор «яшил» ишланмаларга асосланган технологияларни тақдим этди. Ташкилотчилар фикрича, Eco Expo кўргазмасида
иштирок этиш барча қатнашчилар учун стратегик
ҳамкорлик ўрнатиш ва уни мустаҳкамлаш, янги бозорлар сари йўл очади.
Вячеслав Ши-Сян, Давлат экология экспертизаси маркази бош директори ўринбосари, Ўзбекистон:
– Бугунги кунда Ўзбекистон экология, атроф-муҳитни
муҳофаза қилишда, иқлим ўзгаришларга қарши курашда халқаро
ташкилотлар билан ҳамнафас, Европа стандартларга мослашган ҳолда экологик тоза келажак сари ҳаракатланяпти. Бу масалага энг юқори даражада эътибор бериляпти. Давлат раҳбари январь ойида экологик вазиятни яхшилашгга
қаратилган давлат дастури қабул қилди.
Стелла Син Ен Ли, Яшил тараққиёт глобал институти Ўзбекистон минтақавий офиси раҳбари:
– Биз Ўзбекистоннинг минтақада «яшил» ривожланиш концепциясини қабул қилишини қадрлаймиз. Тегишлича, бу ташаббусни қўллаб-қувватлаймиз. «Яшил» иқлим учун олиб борилаётган фаолият тарафдоримиз.
Абдумалик Сарманов таржимаси
Ўхшаш янгиликлар
