Йил охиригача Қозоғистоннинг янгиланган Қизил китоби тайёр бўлади. Ҳозир унинг таҳрир ишлари якунланяпти. Мамлакатдаги ноёб ва йўқолиб кетиш арафасида турган ҳайвонлар, ўсимликлар ва қўзиқоринлар сони 217 тани ташкил қилади. Бунинг учун 59 та флора ва фауна вакили номи аниқлаштирилган, икки турдаги моллюска ва 17 турдаги ҳашарот рўйхатдан чиқарилди. Уларнинг популяцияси йўқолиш хавфидан фориғ бўлди. Тянь-Шань қўнғир айиғини сақлаб қолиш бўйича ишлар самарасини берди. Жўнғор Алатауда улар сони анча ортди. Бундан ташқари, 11 та жонивор, шу жумладан, чаён, калтакесак, ҳашарот ва қушларнинг сони ортган. Аввалроқ Президент Қосим-Жўмарт Тўқаев топшириғига кўра Каспий тюлени ва Пржевальский оти давлат муҳофазасига олинди. Яқин келажакда Қизил китобга киритилган жониворлар бўйича веб-сайт иш бошлайди. Экологлар таъкидлашича, бу ишлар биологик хилма-хилликни асраш борасида масъулиятни кучайтириш учун амалга ошириляпти.
Булат Есекин, эколог:
- Тикланишда энг муҳим
восита – табиатни тиклаш. Дарёларнинг эркин оқишини таъминлаш. Ер ҳосилдорлигини тиклаш. Ўрмонларни асраб-авайлаш. Яъни, тегишли ареаллар асл ҳолича сақланиши биологик хилма-хилликка
эришишнинг асосий шартларидан бири ҳисобланади.
Роман Яшченко, Қозоғистон
Республикаси Зоология институти бош директори:
- Бунда турли
усуллардан фойдаланилади. Шу жумладан, авиация ёрдамида санашдан ҳам. Сунъий йўлдошга маълумот узатгичлар ўрнатиш мумкин, улар у ёки бу жониворнинг ҳаракат йўналишини аниқлаб
беради. Бу нарса баъзи
Қизил китобга киритилган ва даврий миграция қилувчи қушларни кузатишда қўл
келади. Яъни,
сигнал узатгич ёрдамида унинг қаердан қаерга бориши, қишлаш жойи, ин
қурадиган жойи аниқланади.
Абдумалик Сарманов таржимаси.
Ўхшаш янгиликлар
