Туркманистон
пойтахтида «Нафосат сирлари», деб аталган гиламдўзлик танлови ўтказилди. Унда мамлакатнинг турли қисмларидан 14 та чевар қатнашди. Улар учта босқичда маҳоратини намойиш қилди. Олдинига кўргазмага ўзларининг тайёр буюмларини
қўйишди. Сўнгра маҳоратини
амалда кўрсатишди. Якуний босқичда танлов иштирокчилари дутор миллий чолғу
асбоби жўрлигида шеър ўқишди, қўшиқлар куйлашди. Ахал вилоятининг чеварлари
ғолиб бўлди. Таъкидлаш лозимки, 2019 йилда туркман гиламдўзлик санъати ЮНЕСКОнинг Инсоният номоддий маданий мероси рўйхатига киритилди.
Ўғулмарал Аманжонова, «Туркманхоли» давлат бирлашмаси бош вакили:
- Ушбу танлов чеварлик байрамига айланиши учун бажонудил ҳаракат қилдик.
Ва, назаримда, эриша олдик. Асосий мақсад – гилам тўқиш санъатининг нозик,
қадимий сирларини ёшларга ўргатиш. Чунки у руҳимизнинг, тарихимизнинг бир қисми.
Ёш қизларнинг камолотга интилишини кўриш – ғурур беради.
Баҳоргул Гилижова, Ахал вилоятидаги гиламдўзлик
бадиий устахонаси чевари:
- Моҳир қизларимиз тўқиган гиламлар тўй ва уйнинг безаги. Сифатли гилам
тўқиш санъати сирлари она ва бувилардан мерос қолган, ўзим бу ишни онамдан ўрганганман. Қизларимга
ўргатаяпман, невараларимга қолсин, дейман.
Абдумалик Сарманов таржимаси
Ўхшаш янгиликлар
