Туркман спортчилари 7-14 февралда Хитойда ўтказиладиган Қишки Осиё
ўйинларига фаол тайёрланяпти. Фигурали учувчи спортчилар
ҳар куни Ашхобод спорт мажмуасидаги машғулотларда хореографиясини чархлаяпти. Шулардан
бири — икки марта
мамлакат чемпиони Лариса
Ваҳитова. У тренери ва волидаси раҳбарлигида ҳар бир дастурни яхшилаб ўрганяпти. Беллашувларда мукаммал
намойиш этиш учун деталларга эътибор беряпти. Бундан ташқари, илк марта Осиё ўйинларида туркман шорт-трек спорти усталари қатнашади.
Яна Вахитова, фигурали учиш бўйича тренер:
- Қизлар кунига уч марта машқ қилади. Унга тонгги машғулот, жисмоний тайёргарлик, хореография, пайлар чўзилиши, техника машқлари киради. Сўнгра муз
устига чиқамиз. Тренер билан билан бирга ҳар
жиҳатдан мувофиқлаштирилган дастур асосида ишлаймиз. Спортчилар учун махсус муз
майдони ажратилган, улар барча элементларни тўла ўзлаштиришлари
учун фаол шуғулланяпмиз.
Айханум Ғуламалуева, шорт-трек бўйича катта тренер:
– Биз бу беллашувларда биринчи марта қатнашаяпмиз. Гарчи бу спорт тури энди қадам босаётган
бўлса ҳам, ўзимизни кўрсата олдик. 2023 йилда «Осиё болалари» беллашувида қатнашдик. Кореядаги мусобақаларда қатнашдик. Нуфузли беллашувларда
маҳоратимизни намойиш қилишни истаймиз. Спортчиларимиз
мамлакатимиз шарафини муносиб ҳимоя қилишига ишонамиз.
Абдумалик Сарманов таржимаси
Ўхшаш янгиликлар
