Қозоғистон паралимпиадачилари ватанга қайтди

Қозоғистон паралимпиадачилари мамлакатга қайтди. Пойтахт аэропортида Париж ўйинлари қатнашчилари ва совриндорлари эҳтиром билан кутиб олинди. Спортчиларни қутлаш учун уларнинг яқинлари ва мухлислари келди. Терма жамоа мамлакатга иккита олтин, учта кумуш ва тўртта бронза, 9 медаль билан қайтди. Бундай кўрсаткичга илк марта эришилди. Парапауэрлифтер Давид Дегтярев мамлаката тарихида биринчи бўлиб икки марта паралимпиада ўйинлари чемпиони унвонига эришди. Қозоғистонга иккинчи олтин медални пара дзюдоист Ақмарал Науатбек келтирди.  

Ақмарал Науатбек, паралимпиада чемпиони:

- Ғалабамдан лаззатланганча таътилга чиқиш, сўнгра саломатлигимни тиклаш билан шуғулланаман. Давид Дегтярев иккинчи марта чемпионликка эришди, мен ҳам келгуси Паралимпиадада олтин медаль олишдан умидворман. Навбатдаги мақсадим шу.

Абдумалик Сарманов таржимаси

Веб-редактор: Нұрбек Балгүл Қайрошқызы