Туркистон бутун дунёдан туристларни ўзига жалб қиляпти. Қадимий шаҳарнинг аутентик муҳити меҳмонлар қаршисида яққол намоён бўляпти. Наврўз шарафига шаҳарда камондан ўқ отиш бўйича беллашув, Тенге илудан Осиё кубоги, асиқ атудан дунё кубоги ва аудариспақдан республика турнири ташкил қилинди.
Минг нафардан кўпроқ одам асиқ ату ўйнади ва Қозоғистоннинг янги рекорди ўрнатилди. Беллашувларда 11 давлатдан, шу жумладан, Ўзбекистон, Покистон, Монголия ва Туркиядан келган 40 нафар спортчи қатнашди.
Кристина Карамишина, Кўк-бўру ва миллий спорт турлари уюшмаси президенти /Россия/:
- Сўнгги бир неча йилда шаҳарнинг қанчалик ўзгариб кетгани мени лол қолдирди. Янги иншоотлар, ультра-замонавий меъморчилик, Шарқ дизайни кўзга ташланади.
Туркий халқлар маънавий пойтахтида кўкпар бўйича дунё чемпионати ҳам ўтказилди. Беллашувларда 9 давлатдан 200 нафардан зиёд чавандоз қатнашди. Турнир соврин жамғармаси 30 миллион тенгени ташкил қилди. Тадбир Туркистонда янги ипподром очилишига бағишланди.
Бенци Иштван, Этноспорт федерацияси президенти /Венгрия/:
- Мен 47-марта Қозоғистонга, учинчи марта Туркистонга келдим. Мамлакатингиз жуда ёқади, ҳамиша мамнуният билан келаман. Наврўз шарафига шундай кенг кўламли миллий спорт беллашувлари ўтказилаётганидан мамнунман. Қатнашчилар қаторида бизнинг спортчилар ҳам бор. Венгрияда ҳам от спорти, шу жумладан, кўкпар фаол ривожланяпти, бу руҳиятни яхши ҳис этамиз.
Абдумалик Сарманов таржимаси
Ўхшаш янгиликлар
