Иқлим ўзгариши, сув тақчиллиги, сунъий
интеллектни бошқариш, гендер тенглиги. Словения Президенти Nazarbayev University
талабалари учун ўқиган лекциясини замонамизнинг глобал муаммоларига бағишлади. Наташа
Пирц-Мусар таъкидлашича, бу муаммолар мамлакатларнинг биргаликда иш юритишини
талаб этади, шунинг учун халқаро ташкилотлар
танқид қилинаётган бўлса ҳам инсоният муаммоларини ҳал қилиш учун кўптомонлама
ҳамкорликни талаб қилади. Глобал кун
тартибига ҳар бир давлат таъсир кўрсата олади. Масалан, турли ташаббуслар
орқали. Словения ҳам шу тариқа иш кўрмоқда. Унинг
асаларилар ва сув захиралари билан боғлиқ ташаббуслари халқаро даражада қабул
қилинди ва барқарор ривожланишга хизмат қилаётир.
Наташа Пирц-Мусар лекциядан сўнг талабаларнинг саволларига жавоб берди, музокаралар
натижаларини баҳам кўрди.
Наташа Пирц-Мусар, Словения Республикаси Президенти:
- Соғлом иқтисодий бизнес-муҳит — ўта муҳим жиҳат. У олдиндан кўриш мумкин бўлган солиқ тизимини кўзда тутади. Сиёсатчиларнинг келажакда бизнесни ривожлантиришга асос бўла оладиган кўплаб шартномаларни имзолашига интилишимиз керак. Астанага қилган сафарим давомида мен айнан шунга интилдим. Учта меморандум имзоланди, яна иккитаси устида иш кетяпти. Мен икки томонлама товар айланмаси анча кўп бўлиши мумкинлигига аминман. Чунки бунинг учун барча шарт-шароитлар яратиляпти.
Абдумалик Сарманов таржимаси
Ўхшаш янгиликлар
