Қозоғистон шакар бозорини фаол ривожлантиради. Қишлоқ хўжалиги вазирлиги 2028 йилгача соҳани ривожлантиришнинг мажмуавий режасини тақдим этди. Бу даврга келиб маҳаллий хомашёдан чиқарилаётган маҳсулот ҳажми 80 фоизга ортади. Буни рўёбга чиқаришга қаратилган чора-тадбирлар қаторида Ҳукумат ишлаб чиқаришни техник қайта қуроллантириш учун инвестиция киритиш, шунингдек, маҳаллий инфратузилмаларни ривожлантириш орқали суғориладиган ерлар салоҳиятини ошириш кўзда тутилган.
Маҳаллий фермерларга баҳорги дала ишлари учун имтиёзли қарз бериш, уруғлик, ўғит, ўсимликларни ғимоя қилиш воситалари, суғормали сув етказиш хизмати учун субсидиялар ажратиш режалаштирилган. Вазирликда таъкидланишича, режани молиялаштириш учун давлат бюджети ва бошқа манбалардан фойдаланилади. Янгиларини қуриш ва мавжуд шакар заводларини модернизациялашга кўпроқ маблағ жалб этилишини таъминлаш учун фермерларнинг харажатларидан бир қисми давлат ҳисобидан қопланади.
Вазирликда таъкидланишича, 2026 йилгача мўлжалланган мажмуавий режада кўзда тутилган чора-тадбирларнинг рўёбга чиқарилиши 2023 йилда республикада шакар ишлаб чиқаришни икки марта ошириш имконини берди.
Абдумалик Сарманов таржимаси.
