ХХРга қилган амалий сафари давомида Қозоғистон Президенти State Power Investment Corporation компанияси директорлар кенгаши раиси Лю Миншэн билан учрашди. Томонлар, шу жумладан, тикланувчи энергия манбаларига асосланган энергетика соҳасида ҳамкорликни кенгайтириш масаласини кўриб чиқди. Қосим-Жўмарт Тўқаевга China Power International Holding билан боғлиқ компания Қозоғистонда фаол иш юритаётгани айтилди. Сўнгги 5 йил ичида республикада қатор шамол ва қуёш электростанциялари бунёд этилди. Жамбил ва Павлодар вилоятларида қуввати 1 ГВт бўлган шамол электростанциялари қуриш лойиҳалари рўёбга чиқариляпти. Лойиҳаларга 1 миллиард доллардан зиёд инвестиция киритилади. Келажакда Қозоғистонда кенг кўламли гидроэнергетик лойиҳалар ва буғ-газ турбиналари яратиш мўлжалланган.
Қозоғистон Президенти Sany Group Co. LTD етакчисини қабул қилди
Бугун Қосим-Жўмарт Тўқаев жаҳоннинг энг йирик машинасозлик компанияларидан бирининг етакчиси Сян Вэньбо билан учрашди. Томонлар «яшил» энергетика соҳасида қўшма лойиҳаларни рўёбга чиқариш масаласини кўриб чиқди. Корпорация ҳозирнинг ўзида шамол электростанцияси қуряпти, шунингдек, бундай лойиҳалар учун миноралар йиғиш, парраклар, гондолалар ясаш билан шуғулланувчи завод бунёд этиш масаласи кўриляпти. Қозоғистон Президенти биргаликда махсус техника ишлаб чиқаришнинг истиқболларини тилга олди. Хитой компаниясига республикада ЕОИИ бозори учун минтақавий марказ очиш таклиф қилинди.
Абдумалик Сарманов таржимаси.
Ўхшаш янгиликлар
