- Болалар, қаранглар, у қандай яхши сақланган, урушни кўрганига ишонгинг келмайди, худди мана шу самовардан кимсан Маншук Маметованинг ўзи жангчиларга чой қуйиб берган.
Бу - Павлодар ҳарбий шон-шуҳрат музейидаги қимматли экспонатлардан бири. Уруш ва унинг қаҳрамонларига бағишланган кенг кўламли экспозицияда марказий ўринни эгаллаган. Самоварни жамоатчилик фаоли Жумабек Камзин келтирган, у қидирув ҳаракатларига мунтазам кўмак бериб келади. Жанг бўлган жойларга, Невель шаҳрига қилинган экспедициялардан бирида у маҳаллий ўлкашунослар билан учрашган. Унга Маншук Маметованинг самовари ҳақида ҳикоя қилиб беришади. Ўтган вақт давомида ўлкашунослар уни сақлаб келган. Дарвоқе, музей ҳудудида уруш даврида темир йўл вокзали жойлашган, айни шу ердан аскарлар фронта жўнаган. Ҳозирги пайтда бу ерда улкан инсталляцияни кўриш мумкин. Қолаверса, афсонавий Т-34 танки ва Махмет Қаирбаев душманга ўт очган тўп ҳам шу ерда. Қурол 2 минг километрдан зиёд йўлни босиб ўтган, уруш пайтида ундан тахминан 1200 та ўқ узилган.
Куляш Шайдуллина, Ҳарбий шон-шуҳрат музейи раҳбари:
- Совет Иттифоқи Қаҳрамони Махмет Қаирбаевич Қаирбаев ишлатган афсонавий тўп музейимиз фахри саналади. У бу ерга Вильнюс шаҳридан 1992 йилда келтирилган. Бунга қадар Ленинград шаҳар музейида турган. Кейинчалик Вильнюс шаҳрига берилган, энди эса музей кираверишида турибди, келувчилар кўзини қувнатмоқда.
Абдумалик Сарманов таржимаси
Ўхшаш янгиликлар
