Каспийнинг саёзланиши Астанада бўлиб ўтган Минтақавий экологик саммитнинг панель сессияларида асосий мавзулардан бирига айланди. Экспертлар таъкидлашича, денгиз сатҳи ҳаддан зиёд пасайган, дунё океани сатҳидан 30 метргача қуйида. БМТ Бош котиби ўринбосари, ЮНЕП директори Ингер Андерсен таъкидлашича, Каспийдаги вазият озиқ-овқат хавфсизлиги ва иқтисодга хавф солади. Қатнашчилар фикрича, бунга қарши самарали курашиш учун Каспийбўйи давлатлари ўзаро ҳамкорликни кенгайтириши зарур. Шу жумладан, амалдаги Денгиз сатҳи тебранишлари бўйича режани мажмуавий давлат дастури шаклига келтиришга эътибор қаратиши лозим. Айни вақтда, мамлакатда сув ҳавзалари саёзланиши жараёнлари жиддий ўрганиляпти. Бу иш билан Қозоғистоннинг Каспий денгизи илмий-тадқиқот институти шуғулланяпти. Мутахассислар фойдаланаётган кўчма лабораториялар акватория ҳамда соҳилни мажмуавий тадқиқ этиш имконини беради.
Серик
Ахметов, Қозоғистон Каспий денгизи илмий-тадқиқот
институти бошқаруви раиси:
- Биз денгиз соҳил чизиғидаги ўзгаришлар динамикасини тадқиқ этиш учун космосдан олинган суратлардан фойдаландик. Саёзланиш даражаси юқори бўлган участкаларга алоҳида эътибор қилдик. Каспийбўйи давлатлари етакчилари, шу жумладан, Президентимиз ҳам халқаро ҳамжамият эътиборини бу муаммога қаратган эди. Ва халқаро ташкилотлар ҳам ёрдам кўрсатяпти. Глобал экология жамғармасининг «Blueing the Caspian Sea» - Каспий денгизи экотизимини тиклаш лойиҳаси тақдим этилди.
Абдумалик Сарманов
таржимаси
Ўхшаш янгиликлар
