Астанада Миллий қурултой ишчи секциялари йиғилиши бошланди. Уларда консультатив-маслаҳат органи аъзоларининг ташаббус ва таклифлари қандай рўёбга чиқарилаётгани муҳокама қилинди. Хусусан, фуқаролик жамиятини мустаҳкамлаш ва жипслаштириш, инсон ҳуқуқларини ҳимоя қилиш, маданий-маънавий тараққиёт масалалари кўрилди. Миллий қурултой раиси ўринбосари – Қозоғистон Давлат маслаҳатчиси Ерлан Қарин таъкидлашича, жорий йилдаги асосий ишлар йўналиши Давлат раҳбарининг январь ойида «Ana tili» газетасига берган интервьюсида, шунингдек, Ҳукуматнинг кенгайтирилган йиғилишида Қосим-Жўмарт Тўқаев сўзлаган нутқда кўрсатиб ўтилган. Шунингдек, ўтказилаётган ислоҳотларнинг аҳамияти тилга олинди.
Ерлан Қарин, Қозоғистон Республикаси Давлат маслаҳатчиси:
- Ўтган
йилнинг ўзида юздан зиёд мактаб қурилди. Жамиятда
олимлар, педагоглар, шифокорлар мақоми мустаҳкамланяпти, ишчи
касблар обрўйи ошмоқда. Ёшларни қўллаб-қувватлаш, оммавий спорт ва креатив саноатни ривожлантиришга алоҳида эътибор бериляпти. Энергетика ва қишлоқ хўжалиги соҳаларида йирик лойиҳалар
рўёбга чиқарилмоқда. Бу эса давлат ва жамият яқин ҳамкорлик қилаётганига
яна бир далил бўла олади.
Абдумалик Сарманов таржимаси
Ўхшаш янгиликлар
