Бу – бургут ўргатувчи қиз ҳақида фильмдан
парча. 13 ёшли қозоқ қизи Айшўлпан ҳикояси
дунёни лол қолдирди. Америкалик режиссёр Отто Белланинг ҳужжатли лентаси 30 та
давлатда намойиш этилди. Картина чиққач Айшўлпан ҳаёти
кескин ўзгарди. Нью-Йоркда у «Осиёнинг жасур қизи» мукофотини
олди. Энди
у Туркистонда туризмни ривожлантирмоқчи.
Айшўлпан Нурғайип, бургутчи:
– Болаликдан бургут билан ёнма-ён ўсганман. Акам
бургутчи. У армияга кетганида қушини менга қолдирди. Саккиз
ёшимдан ушбу санъат билан шуғулланаман. Фильм
туфайли менинг ҳикоям намойиш қилинган 32 давлатда
бўлдим.
Айшўлпан миллий қадриятларни ривожлантиришга ҳаракат қиляпти. Шунинг
учун кўҳна Туркистонда жойлашган этно-овулда қушлар билан қилинадиган ов музейини
очмоқчи. Шу
ерда у қадимий санъатни оммалаштирмоқчи.
Баян Керимбекова,
Айшўлпаннинг
устози:
– Айшўлпаннинг қалби тоза. Балки
шунинг учун табиатга яқиндир. Мусаффо табиат деганда уни кўз олдимга
келтираман. Тоғда ўсганлар руҳи тетик бўлади.
Ўтган йили Айшўлпан оиласи билан Қозоғистонга кўчиб келган. «Қозоқ
тили ва адабиёти» бўйича
ўқиган эди. Ҳозир
у дарс беради ҳамда бургутчилик санъати билан шуғулланади.
Абдумалик Сарманов таржимаси
Ўхшаш янгиликлар
