Каспий трубопровод консорциуми Қозоғистондан Россия орқали нефть жўнатишни анча камайтирди. КТК матбуот хизмати маълум қилишича, Тенгиз конида ремонт ишлари бошланиши ва Қашағандада нефть қазиб олиш камайиши оқибатида «Тенгиз – Новороссийск» трубопроводи орқали «қора олтин» жўнатиш ҳажми ҳам авалгидан анча оз. Енержи Монитор маълум қилишича, август ойи бошидан буён Қозоғистонда нефть қазиб олиш кунига тахминан 13-15 минг тоннага пасайиб боряпти.
ОПЕК+ ташкилоти давлатлари сентябрь ойидан умумий нефть қазиб олиш ҳажмини 100 минг баррелга кўпайтириши мумкин. Бу у қадар катта ўсиш эмас. Қозоғистон ОПЕК+ доирасида келгуси ойда суткасига бир миллион 710 минг баррель маҳсулот чиқара олади.
Абдумалик Сарманов таржимаси.
