Қозоғистон йўлларида янги инновациявий йўл белгилари жорий
этилади. Ҳозир мамлакат олимлари ишлаб чиққан катафотлар – нур қайтаргичлар бир
қанча республика трассалари участкаларида синовдан ўтмоқда. Мутахассислар
таъкидлашича, улар хавфсизлик даражасини оширади, йўл-транспорт фалокатлари
олдини олади. Уларда қизил
ва сариқ ранглардан фойдаланилади. Технология, айниқса, кечалари юқори
самара беради.
- Мамлакат олимлари билан ҳамкорликда йўл хизматлари республика трассаларининг айланма участкаларида инновациявий катафот-нурқайтаргичларини синаб кўряпти. Ҳозир иккита жойда: «Астана-Шучинск» йўлининг 41-километри ҳамда «Астана-Темиртау» трассасининг 1358-километрида бу иш амалга ошириляпти. Улар мамлакатнинг энг серқатнов йўллари қаторига киради. Суткасига 30 мингтагача машина ўтиши кузатилади.
Эслатамиз, аввалроқ қуёш батареяларида ишлайдиган катафотлар «Астана-Петропавловск» автойўлида синалганди. Улар хавфли участкаларда ҳайдовчиларни сергаклантиради, автомобиль юриши тақиқланган чизиқларига чиқиб кетганда овоз беради. Натижада, қарши ҳаракат чизиғига ёки йўл четига чиқиб кетиш эҳтимоли камаяди.
Абдумалик Сарманов таржимаси
