Бугун Қозоғистонда сайловолди тарғибот ишлари бошланди. Бу жараён 18 ноябргача давом этади. Олти нафар номзод Президентлик лавозими учун курашади. Марказий Сайлов Комиссияси Халқ коалицияси илгари сурган амалдаги давлат раҳбари Қосим-Жўмарт Тўқаевни рўйхатга олди.
«Аманат» Қозоғистон касаба уюшмалари ҳамжамиятидан Мейрам Қажикен илгари сурилди. «Аул» партияси номзоди - Жигули Дайрабаев. Қарақат Абденни Профессионал ижтимоий хизмат ходимлари миллий альянси қўллаб-қувватлаяпти. Салтанат Турсинбекова «Қозоқ оналари – анъана сари йўл» республика жамоат ташкилоти номзоди. Нурлан Ауесбаев эса Умуммиллий социал-демократик партиядан. Таъкидлаш лозимки, Қозоғистонда навбатдан ташқари президентлик сайлови 20 ноябрь куни бўлиб ўтади.
Абдумалик Сарманов таржимаси
