Қозоғистонда Пржевальский оти популяцияси тикланаяпти. Келаси ойда Чехия ва Венгриядан яна еттитаси келтирилади ва Қўстанайдаги «Олтин дала» табиат резерватига жойлаштирилади. Эслатамиз, ҳозир у ерда бир қанча Пржевальский отлари яшаяпти. Улар халқаро лойиҳа доирасида бир йил аввал
келтирилганди. Жониворлар
иқлимга ўрганди. Май ойи охирида
ёввойи отлар эркин яшаш учун Қозоғистон даштларига чиқарилади. Экспертлар таъкидлашича, лойиҳа мақсади - ўз тарихий ватанида Пржевальский отларининг барқарор популяциясини яратишдан иборат. Бунинг учун беш йил мобайнида жами 40 та от келтирилиши режалаштирилган.
Жансая Темиржан, Қозоғистон Республикаси Экология ва табиий захиралар вазирлиги Ўрмон хўжалиги ва ҳайвонот дунёси қўмитасининг алоҳида бошқариладиган табиат ҳудудлари бошқармаси бош эксперти:
- Ўтган давр ичида отлар табиий шароитга ўрганди. Шунингдек, уларнинг саломатлиги ва ўзини тутишида ижобий ўзгаришлар кузатилди. Бу эса келгуси босқичга – табиий муҳитга чиқаришга йўл очди. Отлар эркинликка чиққанидан кейин ҳам GPS-бўйинбоғи бўлгани сабабли мутахассислар назоратида қоляпти.
Таъкидлаш лозимки, Қозоғистон бошқа ёввойи ҳайвонларнинг,
шу жумладан, Турон йўлбарсининг популяциясини тиклаш бўйича ишлаяпти. Бир неча йиртқич Нидерландиядан келтирилди. Улар ҳозир Или-Балхаш резерватида.
Абдумалик Сарманов таржимаси
Ўхшаш янгиликлар
