Қозоғистонда кўмир
генерацияси учун 7,5 триллион тенге инвестиция жалб этилиши режалаштириляпти. Ҳукумат Президент Қосим-Жўмарт
Тўқаевнинг топшириқлари доирасида тегишли миллий режани тасдиқлади. Ҳужжат
2030 йилга бориб, энергетик хавфсизликни таъминлаш ниятида. Бунинг учун Миллий
лойиҳага кўра 8 гигаватт қувват берувчи иншоотлар янгиланади, саккизта янги
манба ишга тушади. 11 та станция модернизация қилинади. Энергетика вазирлигида таъкидлашларича, режа
бюджетдан ташқари маблағлар ҳамда инвестициялар жалб қилиш орқали амалга
оширилади. «Тоза кўмир» технологияларини ишга тушириш ва экологик юкламани
камайтиришга алоҳида эътибор қаратилади.
Соҳанинг ривожланиши иқтисодни рақамлаштириш ва саноатлаштириш жараёнида
ортиб бораётган электроэнергияга эҳтиёжни қоплаши кўзда тутилган.
Сунғат
Есимханов, Қозоғистон Республикаси Энергетика
вазири ўринбосари:
- Ушбу миллий лойиҳанинг яна бир йўналиши
– янги генерацияни ишга туширишгина эмас, кўмир билан ишловчи мавжуд
иншоотларни замонавий экология талабларига мос шаклда капитал таъмирлаш ва
модернизация қилишга қаратилган. Бунда «тоза кўмир» технологиялари ишлатилади.
Биз шундай мақсад қўйганмиз. Миллий лойиҳа электроэнергияга бўлган эҳтиёжни
қондиришга мўлжалланган. Бунда гап фақатгина саноат эмас, Давлат раҳбари
таъкидлагани каби, сунъий интеллект ривожланиши ҳам кўзда тутилган. Буларнинг
ҳаммаси эҳтиёжнинг ортишига олиб келади.
Абдумалик Сарманов таржимаси
Ўхшаш янгиликлар
