Абай туғилган
ўлкада унинг 180 йиллиги тантаналари давом этяпти. Буюк қозоқ шоирининг юбилейи Жидебайда
биринчи августдан нишонлана бошлаган. Қозоқ ёзма адабиёти асосчисининг туғилган
куни – 10 августда унинг болалик йиллари ҳақидаги спектакль намойиш этилди. Байрамга
узоқ ва яқин хориждан ташриф буюрган кўплаб туристлар келди. Улар учун 200 та
оқ ўтов тикилди.
Кама Сивор Каманда,
ёзувчи /Конго Республикаси/:
- Мен жуда
бахтлиман, биринчи марта Қозоғистонга ташриф буюрдим, шундай йирик анжуманда
қатнашдим. Жуда чиройли мамлакат, ажойиб одамлар. Абай шеърларини ўқиганман, бир
қанчасини таржима қилдим. Абай юбилейига бағишланган антологияга киритишга
тайёрлаяпман.
Анжуман доирасида
қозоқ кураши, тўғизқумалоқ, пойга каби миллий спорт турларидан беллашувлар
ўтказилди. Чавандозлар ҳунарини кўрсатди. Анжуман катта концерт билан якунланди.
Абдумалик Сарманов таржимаси
Ўхшаш янгиликлар
