Қозоғистон ва Венгрия президентлари Аlem.AI марказига боришди

Қозоғистон ва Венгрия президентлари Аlem.AI халқаро сунъий интеллект марказига боришди. Инновациявий майдонча Қозоғистонда замонавий технологияларни ривожлантиришга, қобилиятли ёшларни жалб қилиш, IT-секторидаги истиқболли лойиҳаларни илгари суришга хизмат қилади. Бу эса 2029 йилгача Қозоғистон СИ ечимлари экспортини 5 миллиард долларга етказиш, Астанани Марказий Осиёдаги етакчи АI-технологиялари марказига айлантириш имконини беради. Қосим-Жўмарт Тўқаевга мамлакат ишланмалари тақдим этилди. Улар қаторида тикланишни жадаллаштирувчи портатив биомеханика СИ-лабораторияси ва бозорлардаги инвестпортфеллар мониторингини таъминловчи стартап бор. Қозоғистон Президенти Сунъий интеллект бўйича Пекин халқаро олимпиадаси ғолиблари билан суҳбатлашди. Унда мамлакатимиз ўқувчилари 3 та олтин, жами 7 та мукофот олганди.

Абдумалик Сарманов таржимаси

Веб-редактор: Айнұр Досан