Қозоғистон ва
Италия ҳамкорликни кенгайтиради. Пойтахтда логистика, энергетика, инфратузилма
ва савдога бағишланган халқаро форум ўтказилди. Анжуман Қозоғистон — Италия ҳамкорлиги, тадбиркорлик
алоқаларини мустаҳкамлаш, ўсиш учун амалий билимлар алмашиш ва инновация, қўшма лойиҳаларни
ишга тушириш борасида муҳим майдонча бўлди. Томонлар қатор меморандум
ва шартномалар имзолади. Улардан бири энергетик ўтиш ва барқарор технологияларга
бағишланган. Қозоғистон ва Италия компаниялари биргаликда экологик тоза авиация ёнилғиси ва «яшил»
водород чиқариш тўғрисида келишиб олди. Бунинг учун мутахассислар хомашё
захираларини баҳолаши кутиляпти.
Фабио Фрителли,
Nextchem бошқарувчи директори:
– Имзоланган меморандум
Қозоғистондаги қатор ташаббуслар бўйича ҳамкорликка асос бўла олади. Улар
асосан энергетик ўтишга қаратилган. Менимча, биз ишни Қозоғистонда топиш осон
бўлган газдан бошлаш, уни қайта ишлашни таъминлаш маъқул. Биз Қозоғистон тикланувчи
энергетикани кенг кўламда жорий этиш майдончасига айланаётганини кўриб турибмиз.
Менимча, мамлакатингиз умрини тугатаётган қазиб олинувчи ёнилғидан «яшил» иқтисод
сари кўприк бўлишга лойиқ.
Ўлжас Шинтаев, Италия-Қозоғистон
савдо палатаси вице-президенти:
- Анжуманга Қозоғистонда
нефть чиқиндиларини қайта ишлаш, биоэтанол чиқариш ва бошқа технологияларга эга
Ludoil Energy каби жуда йирик компаниялар келди. Улар Европанинг кўп давлатлари,
Бразилияда иш юритади. Биз ҳамжамият сифатида Давлат раҳбари тақдим этган «Мейд
ин Қозоғистон из Итали» лойиҳа устида ишлаяпти. Унда кейин Хитой билан
савдолашиш учун бир қатор итальян компанияларини Қозоғистонга кўчириб олиб
келиш, локаллаштириш кўзда тутилган.
Таъкидлаш лозимки, бугунги кунда Қозоғистонда 260 тадан зиёд итальян компаниялари ишлаяпти. Улар энергетика, машинасозлик, агросаноат ва бошқа стратегик соҳаларда фаолият юритяпти. Ўтган йили икки томонлама товар айланмаси 17 миллиард долларни ташкил қилди. Ундаги Қозоғистон экспорти улуши 16 миллиард долларга тенг. 2026 йилнинг 2 ойи давомида томонлар 2 ярим миллиард долларга тенг маҳсулот алмашди. Таъкидлаш лозимки, Италия Қозоғистоннинг Европа Иттифоқидаги энг йирик инвесторлари бешлигига киради. Мустақиллик йилларида келтирилган итальян сармояси 9 ярим миллиард доллардан зиёд.
Ўхшаш янгиликлар
