Қозоғистон ва Чехия компаниялари Астанада ўтказилган қўшма бизнес-форумда 6 та ҳамкорлик тўғрисида меморандум имзолади. Келишув доирасида энергетика, транспорт, машинасозлик, суғурта ва бошқа истиқболли йўналишларда қўшма корхоналар тузиш кўзда тутилган. Айни вақтда, томонлар саноат кооперациясини чуқурлаштириш, маҳсулот ишлаб чиқаришни локаллаштириш ва технологиялар трансфери масаласини кўзда тутади. Ўзаро савдо эса фаол ривожланишда давом этяпти. Ўтган йили икки томонлама товар айланмаси 700 миллион доллардан ошди, унинг салкам 98 фоизи саноат маҳсулотига тўғри келади. Мамлакатимизда 150 тадан зиёд Чехия иштирокида очилган корхона ишлаб турибди, сўнгги йигирма йилда келтирилган инвестиция ҳажми 350 миллион доллардан ошди.
Ўлжас Бектенов, Қозоғистон Республикаси Бош вазири:
- Қозоғистон Президенти Қосим-Жўмарт Тўқаевнинг тошпириғига кўра мамлакатимизда олдиндан иш кўришга асосланган инвестициявий сиёсат амалга ошириляпти. Янгиланган 2030 йилгача мўлжалланган инвестициявий сиёсат концепцияси унга асос бўлди. Ҳужжат доирасида инвестициявий кенгаш тузилган ҳолда миллий инвестициявий холдингга айлантирилган «Байтерек» холдингига катта ваколат берилган. Биз Kazakhstan Invest миллий компаниясининг юқори инвестициявий салоҳиятга эга устувор бозорлардаги фаолиятини кенгайтириш ҳисобига хорижий сармоя жалб этиш ишларини кучайтиряпмиз.
Қозоғистондаги қулай инвестициявий иқлим чех компанияларини ўзига жалб этяпти, энергетика, авиация ва автосаноатда лойиҳалар рўёбга чиқариляпти. Айниқса, машинасозликда ҳамкорлик фаол. Škoda билан бирга йилига 5 мингта автомобиль ишлаб чиқариш йўлга қўйилди. Компания айни вақтда йўловчи ташиш транспорти — қуйи сатҳли электр поездлар ва гибрид составлар таклиф қиляпти. Бундай машиналар Болтиқбўйида ва Ўзбекистонда ишлатиляпти.
Роман Соркин, Škoda Group Марказий Осиё бўйича сотишлар вице-президенти (Чехия):
— Бунда йўловчи поездларининг сатҳи қуйи ўрнатилган, у йўловчилар кўп бўлган шаҳарларда автомат тарзда тўсиқларсиз муҳит яратади. Яна бир имконият — метрополитен барпо этиш. Биз совет типидаги туннеллар қуриш бўйича энг катта тажрибага эга иккинчи мамлакатмиз. Қозоғистоннинг бир қанча шаҳарларида трамвай ҳам бор. Умид қиламанки, яқинда у пойтахтда ҳам ишга туша бошлайди. Бу бозорга киришнинг шартларидан бири – маҳсулот ишлаб чиқаришни локаллаштириш. Бу тўғри талаб, ва биз сизни қўллаб-қувватлайман.
Абдумалик Сарманов таржимаси
Ўхшаш янгиликлар
