Қозоғистонда Шимолий Оролни тиклаш ишларининг иккинчи босқичин бошлаш учун
тайёргарлик ишлари давом этяпти. У сув
захираларидан фойдаланишни яхшилаш, балиқ хўжалигини ривожлантиришга ёрдам
бериш, минтақадаги экологик вазиятни яхшилаш, шимолий қисмдаги сув ҳажми ва
самарадорлиги оширишга қаратилган. Ҳозир
лойиҳанинг техник-иқтисодий асослари ўрганиляпти. Таъкидлаш лозимки, у уч компонентдан иборат.
Алмас Мусабеков, Қозоғистон Республикаси Сув захиралари ва ирригация вазирлиги жамоатчилик билан алоқалар бошқармаси раҳбари:
- Биринчи мақсад – инфратузилмаларни ривожлантириш ва Шимолий Орол,
Сирдарё дельтасининг гидрологик ҳолатини яхшилаш. Иккинчиси – Қизил Ўрда вилоятида иқтисодий, ижтимоий ва экологик вазиятни барқарор тутиш. Учинчиси – сув
захираларини бошқариш тизими билан боғлиқ маълумотлар базасини янгилаш.
Лойиҳанинг биринчи босқичида Кўкарал тўғони қурилди, Шимолий Оролдаги сув ҳажми
27,1 миллиард куб метрга етди.
Абдумалик Сарманов
таржимаси
