Президент
Қосим-Жўмарт Тўқаевнинг
Сербияга
расмий ташрифи бошланди. Ҳавода Давлат раҳбари самолётини кутиб олувчи томон
ҳарбий ҳаво кучлари қирувчилари кузатиб борди, Белград аэропортида эса Қосим-Жўмарт Тўқаевни мамлакат
Президенти Александр Вучич кутиб олди. Таъкидлаш
лозимки, томонлар олий даражада музокаралар ўтказади. Президентлар икки давлатнинг сиёсий, савдо-иқтисодий, транспорт-логистика ва маданий-гуманитар
соҳалардаги ҳамкорлиги
истиқболларини муҳокама қилади. Қатор шартномалар имзоланиши кутиляпти, Сербия
Бош вазири Милош Вучевич билан учрашув режалаштирилган.
Таъкидлаш лозимки, куни-кеча
Белграддаги
168-метрли минора Президент Қосим-Жўмарт Тўқаевнинг ташрифи шарафига Қозоғистоннинг
осмон рангидаги байроғи тасвири билан безатилди. Бир
ой аввал очилган бу минора Сербия пойтахтининг янги тимсолига айланган.
Абдумалик Сарманов таржимаси
