Президент Қосим-Жўмарт Тўқаевнинг Россияга Давлат
ташрифи иккинчи куни дастурини Москвадаги Александровск боғидаги «Номаълум
аскар қабри» мемориалига гул қўйиш маросими очиб берди. Сукут лаҳзаларидан сўнг
оркестр Қозоғистон Давлат мадҳиясини ижро этди, расмий делегация олдидан фахрий
қоровул тантанали марш билан ўтди. Эслатамиз, Қозоғистондан фронтга 1 миллион
200 минг киши чақирилган, шундан ярмига яқини ҳалок бўлган. 500 нафардан зиёд
қозоғистонлик Совет Иттифоқи Қаҳрамони унвонига сазовор бўлган.
Кейинроқ Давлат раҳбари Россия Федерацияси Кенгаши Раиси Валентина Матвиенко билан учрашув ўтказди. Қосим-Жўмарт
Тўқаев ўз ташрифига оралиқ воқеа деб қарашини таъкидлади, негаки, у давлатлар
ўртасидаги стратегик ҳамкорлик ва иттифоқчилик муносабатларини янги даражага
олиб чиқади. Давлат раҳбари куни кеча бўлиб ўтган Россия Президенти Владимир
Путин билан суҳбатидан олган таассуротларини ҳам ўртоқлашди, мулоқот икки
соатдан кўпроқ давом этганини ва кўплаб масалалар муҳокама қилинганини айтиб
ўтди. Ўз навбатида, Валентина Матвиенко Россияда Қосим-Жўмарт Тўқаевнинг давлат ташрифига
катта аҳамият қаратилаётганини таъкидлади.
Қосим-Жўмарт Тўқаев,
Қозоғистон Республикаси Президенти:
– Мен Парламент фаолиятининг моҳияти ва аҳамиятини, турли
давлатлар парламентлари ўртасидаги дипломатияни тушунаман. Дарҳақиқат, ушбу
ташриф ўзаро муносабатларимиз тарихида алоҳида аҳамият касб этади. Сабаби, у
давлатларимиз ўртасидаги стратегик ҳамкорликни, иттифоқчилик муносабатларини
янги даражага олиб чиқади.
Валентина Матвиенко, Россия Федерацияси Кенгаши Раиси:
– Жаноби олийлари, ҳурматли Президент!
Биз учун Сизни Федерация Кенгашида, Россия Парламентининг Юқори Палатасида
кўриш катта шараф.
Мен барча сенаторлар номидан Сизни, Сизнинг Юқори мартабали делегациянгизни минтақалар Палатасида қутлайман!
Абдумалик
Сарманов таржимаси
Ўхшаш янгиликлар
