Қозоғистон Президенти Ақтўбе вилоятига келди. Қосим-Жўмарт Тўқаев Совет Иттифоқи қаҳрамони Алия Мўлдағулова мемориалига гулчамбар қўйди ва бир дақиқа сукут сақлаб, уни хотирлади. Жорий йилда қозоқ халқининг машҳур фарзандининг 100 йиллиги нишонланяпти. Минтақа жамоатчилиги билан учрашувда Давлат рахбари беқарорлик кучайган бугунги кунда бирлик ва жипсликни сақлаш зарурлигини таъкидлади. Эслатиб ўтамиз, Президент Ақтўбедаги «Айбин» XI халқаро ҳарбий-ватанпарварлик ёшлар йиғинида қатнашяпти.
Қосим-Жўмарт Тўқаев, Қозоғистон Республикаси Президенти:
- Алия Мўлдағулова – қозоқ халқининг машҳур фарзанди. Бугун хотирасини ёд этиш учун унинг 100 йиллигига келдим. Барчангизга миннатдорчилик билдираман. Алия номини мамлакатда ҳам, хорижда ҳам кенг тарқатиш керак. Алия – қозоқ қизи, бизнинг фахримиз. Унинг ёрқин сиймоси абадий хотирамиздан ўчмайди.
Абдумалик Сарманов таржимаси
Ўхшаш янгиликлар
