Қозоғистон мусиқачилари Австриянинг қатор шаҳарларида концерт ташкил қилди. Тингловчилар Рихард Вагнер, Сергей Прокофьев каби санъаткорлар қаламига мансуб жаҳон классикаси дурдоналари, шунингдек, Ахмет Жубанов, Тлес Қажғалиев, Ғазиза Жубанова, Манарбек Ержанов каби қозоқ муаллифлари асарларини тинглади. Кечанинг авж нуқтасида Қозоғистон халқ артисти Айман Мусахўжаева Евроосиё симфоник оркестри жўрлигида саҳнага чиқди.
Айман Мусахўжаева, Қозоғистон халқ артисти:
- Австрияда, Вена ва Клагенфуртда бўлиб ўтадиган барча концертлар Республика куни ҳамда Қозоғистон-Австрия ўртасида дипломатик муносабатлар ўрнатилганининг 30 йиллигига бағишланди. Бундай ажойиб акустикага эга залда саҳнага чиққан талабалар борини бериб ишлади, бенуқсон ижро кўрсатди. Бу улар учун истиқболли лаҳзалар бўлди. Жаҳоннинг энг машҳур юлдузлари санъатини намойиш этган саҳналарга чиқиш ҳаммага ҳам насиб қилавермайди.
Абдумалик Сарманов таржимаси
