Қозоғистонда кутубхоналар учун ягона автоматлаштирилган ахборот тизими яратилади. Барча маънавий озуқа манбаларини ўз ичига олган «Е-АБИС» лойиҳаси доирасида улардаги жамғарма электрон базага тўпланади. Натижада, соҳа иши ягоан тартиб асосида амалга оширилади. Сенатда Миллий академик кутубхона раҳбари шундай баёнот берди.
Ғазиза Нурғалиева, Миллий Академик кутубхона директори:
- Ҳозир молиявий ёрдам олишгача бўлган ҳужжатлар пакети тайёрланди. Ҳатто олиб бориладиган услубий ишлар ҳам ёзилган. Барча кутубхоналар учун ягона Низом ҳозирланди. Иккита миллий кутубхона биргаликда ушбу ҳужжатларни тайёрладик. Ҳамкорликда ишлаётган қўмитага имкон қадар ёрдам бераяпмиз.
Бугунги кунда мамлакатда 4 мингтага яқин кутубхона бор. Уларнинг умумий жамғармаси 72 миллион 600 минг жилддан зиёд. 14 ярим мингтаси – қўлёзмалар ва ноёб китоблар. Кутубхона ишини такомиллаштиришга қаратилган 2025-2027 йилларга мўлжалланган йўл харитаси рўёбга чиқариляпти. Унда соҳани рақамлаштиришга катта эътибор берилган.
Ўхшаш янгиликлар
