Қозоғистонда суратга олинган «Штурм» фильми Францияда бўлиб ўтган криминал кино фестивалида бош совринни олди. У – режиссёр Адильхан Ержановнинг 12-картинаси. Сюжетга кўра, ниқоб таққан номаълум шахслар Қаратас посёлкасида мактабни босиб олишади. Об-ҳаво айнигани сабабли полициячилар аҳоли манзилгоҳига етиб боролмайди. Имконсиз қолган муаллим болалари гаровда қолган ота-оналардан штурмчи гуруҳ тузади. Кинофестивалда «Штурм» картинаси яна битта, етарлича нуфузли мукофот – кинотанқидчилар совринини ҳам олди.
Абдумалик Сарманов таржимаси.
